صخرة فى أعالى الجبال

صخرة في أعالي الجبال

بقلم  مصطفى الحداد  

الشمس تشرق عليها
و بدفئها تعطيها الحنان .
والحكاية بتقول … صخرة
صخرة في العلالي بتلالي
وتقول أنا أحلي ما فيك ياجبل
كان القمر طالع … افتكرت
البدر طالع لها
أنا أجمل من وردة في بستان
و ده مش مكان
انزل في البحر البعيد
وهناك هأعيش حرة سعيد
نزلت من العلالي لسطح الميه
عدى يوم والتاني … وطلع البدر من تاني
… ده طالع علشاني
ولمحت قارب صياد من بعيد
هللت وقالت ده عيد
رفعت الموجة من قدرها
نزلت المركب بالصياد في حضنها
قابلته باشتياق .. حضنته بغباء
صرخ الصياد
قالت دي زغاريد
مات غرق الصياد
والمركب ما عاد
وبعد أسبوعين
وكمان أسبوعين
مركب أكبر من اللي فات
وعليه ناس بالعشرات
قالت هوه ده العيد
وهللت تاني من جديد
علت الموجة
هزت رجت
فتحت دراعتها
المركب اتقسمت
الصياح والصراخ والعويل مكتوم
عرفوا أنه قدر محتوم
حضنتهم قتلتهم
ومن يومها والصخرة في قلب المية
وحيدة  مستنية